Шилэн данс: Г.Ёндон хүүхдүүдийнхээ сургалтын төлбөрийг буцааж төлөв

Уул, уурхай хүнд үйлдвэрийн сайд Г.Ёндон нь хоёр хүүхдийнхээ сургалтын төлбөрийг өөрийн ажиллаж байсан “Монголросцветмет” ТӨҮГ-аас төлүүлж байсан баримт ил болж олны шүүмжлэлд өртөөд буй. Тэрбээр 2019 онд тус байгууллагад ажиллаж байхдаа хүүхдүүдийнхээ сургалтын төлбөрийг төлүүлсэн байдаг. 

Энэ талаар хэвлэлийнхэнд тайлбар хийхдээ "Журмын дагуу төлүүлсэн юм, та нар бодвол шар мэдээ л сонирхож яваа биз гэх мэтээр" сэтгүүлчдийг доёолсон доромж хариултыг өгсөн. Тэгвэл Монгол Улсын Ерөнхий сайд түүнд сануулах арга хэмжээ авчээ. Дөнгөж сая тэрбээр хүүхдүүдийнхээ сургалтын төлбөрт шилжүүлсэн мөнгөө буцаагаад өгчээ.