Д.Тогтохсүрэн: Сонгинохайрхан дүүрэгт ирэх зургаадугаар сард нөхөн сонгууль болно

УИХ-ын гишүүн Д.Сумъяабазарыг хотын даргад дэмжих асуудлаар МАН-ын Уирдах зөвлөл хуралдаж эхэллээ. Түүнийг Удирдах зөвлөлөөс дэмжээд, НИТХ дээр хотын дарга болговол  Д.Сумъяабазар УИХ-ын гишүүнээсээ чөлөөлөгдөх ёстой юм. Энэ талаар УИХ-ын гишүүн Д.Тогтохсүрэнгээс зарим зүйлийг тодрууллаа. Тэрбээр " Манай намын дүрмээр одоо Удирдах зөвлөл хуралдана. Хамгийн гол нь УИХ-ын гишүний л асуудал байна. Олон нийтийн итгэл авчихсан, парламентын гишүүн  хүн засаг дарга болоход яах вэ, гэдэг асуудал. Үүнийг Удирдах зөвлөлөөр нухацтай хэлэлцэнэ. Нийслэлийн засаг даргаар томилъё гэж шийдвэл гишүүнээсээ чөлөөлөгдөх хуультай.Одоо удирдах зөвлөлөөр л тодорхой шийднэ. Засаг даргад дэмжвэл гишүүнээсээ чөлөөлөгдөнө. Нөхөн сонгууль болно. Хэрэв нөхөн сонгууль болбол жилд хоёр удаа болж байгаа 6-р сар, 10-р сард. Энэ хүрээндээ л явна" гэлээ.