“Дэрэвгэр жиргэрүү” ургамлын 1.3 тонн үндэс түүсэн иргэдийг илрүүлжээ

Экологийн цагдаагийн алба хаагчид хууль бусаар түүж бэлтгэсэн, худалдаж авсан “Дэрэвгэр жиргэрүү” ургамлын үндсийг хадгалж байсан хоёр иргэнийг илрүүлжээ. Тодруулбал, 109 шуудай 1.3 тонн хатаасан үндэс Дорнод аймгийн төв Чойбалсан хотод хадгалж байсныг  хураан авч, 341 сая төгрөгийн нөхөн төлбөр ногдуулсан байна.  Монгол Улсын Засгийн газрын 1995 оны 53 дугаар тогтоолоор “Дэрэвгэр жиргэрүү” ургамлыг ховор ургамлын жагсаалтад оруулсан. Харин  Байгаль орчин, аялал жуулчлалын сайдын 282 дугаар тушаалаар ховор ургамлын нэг килограмм тутмын экологи-эдийн засгийн үнэлгээг 50 мянган  төгрөг байхаар тогтоосон байдаг.

Мөн Орхон аймгийн Баян-Өндөр сумын нутагт ховор амьтны жагсаалтад ордог хүрэн баавгайн түүхий эд болох хоёр ширхэг сарвууг нэг сая төгрөгөөр худалдан борлуулах гэж байсныг Экологийн цагдаагийн албанаас илрүүлжээ.