12-15 насны дөрвөн хүүхэд 40 орчим тээврийн хэрэгсэл хулгайлсныг илрүүлжээ

О.Шүрэнцэцэг

2020/10/15

Өнгөрсөн 2019 оноос 2020 оны дөрөвдүгээр сар хүртэл он хуучирсан гэх тодотголтой тээврийн хэрэгслийг нийслэл хотын нутаг дэвсгэрээс хулгайлсан гэмт хэрэгт яллагдагчаар татагдан шалгагдаж байсан насанд хүрээгүй дөрвөн этгээд дахин гэмт хэрэг үйлдсэнийг Нийслэлийн цагдаагийн удирдах газрын Мөрдөн шалгах газрын Хулгайлах гэмт хэрэгтэй тэмцэх хэлтсийн алба хаагчид илрүүллээ.

Тодруулбал, энэ оны дөрөвдүгээр сараас эхлэн бусдын нийт 30 орчим тээврийн хэрэгслийг хулгайлсан хүүхдүүд болох А, Б, З, У нар нь 12-15 настай сургуулийн насны хүүхдүүд боловч сургуульд сурдаггүй аж.

Хүүхдүүд бусдын нөлөөнд автан он хуучирсан гэх тээврийн хэрэгслийг хулгайлдаг талаараа хуулийн байгууллагад мэдүүлжээ.

Шалгалтын ажиллагаагаар дахин нийт 10 орчим тээврийн хэрэгсэл хулгайлж, дөрвөн авто машиныг Төв аймгийн Лүн сум, Дундговь аймаг, Сэлэнгэ аймгийн Мандал суманд тус тус орхин, зам тээврийн осол хэрэг үйлдэж, хэргийн газраас зуртаасныг тогтоогоод байна. Мөрдөн шалгах газрын Хулгайлах гэмт хэрэгтэй тэмцэх хэлтэс хэргийг үргэлжлүүлэн шалгаж байна.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ