“Дарга нар нийлж шийдвэр гаргадаг жишгийг солих цаг ирсэн ”

О.Шүрэнцэцэг

2020/10/13

Модон эдлэл, буйдан, сийлбэр, даалин, дээл урладаг, монгол болон европ загварын гутал хувцас гээд төрөл бүрийн бараа, бүтээгдэхүүн хийдэг Сүхбаатар дүүргийн 11-20 дугаар хорооны иргэд бизнесээ өргөжүүлэх арга зам эрэлхийлж байна. Төрөөс ямар ч дэмжлэг авч чаддаггүй, зээлд хамрагдах боломж олддоггүй, зээл авсан ч хүүгийн дарамт их, бараагаа хэрхэн борлуулахаа мэдэхгүй зэрэг нийтлэг бэрхшээл тулгамдаж байгааг жижиг, дунд үйлдвэрлэл эрхлэгчид Сүхбаатар дүүргийн 11-20 дугаар хороо буюу НИТХ-ын 15-р тойрогт нэр дэвшигч, хуульч Дэмбэрэлцэрэнгийн Мөнх-Эрдэнэтэй уулзах үеэр онцолж байлаа.

Ийм баялаг бүтээгчдэд зориулж борлуулалтын суваг нээх, хуулийн зөвлөгөө туслалцаа үнэгүй өгөх төв байгуулах зэргээр дэмжлэг үзүүлэн жижиг, дунд үйлдвэрлэлийг өргөжүүлбэл дагаад ажлын байр нэмэгдэж, халамжаас хараат амьдардаг өрхүүдийн амьжиргаа нь сайжирч, цаашлаад улсын эдийн засагт эергээр нөлөөлөх боломжтойг нэр дэвшигч Дэмбэрэлцэрэнгийн Мөнх-Эрдэнэ тайлбарласан юм.
Түүнчлэн хүүхдийн тоглоомын болон хөлбөмбөг, сагсны талбайг тойруулан хашаа барьж, нийтийн эзэмшлийн талбайг хувьчилсан, хаалгыг нь буруу харуулж барьсан гэх шалтгаанаар хоёр жилийн өмнө ашиглалтад орох ёстой байсан цэцэрлэгийн барилгын ажил царцсан байгаатай нэр дэвшигч Дэмбэрэлцэрэнгийн Мөнх-Эрдэнэ сонгуулийн сурталчилгааны хугацаанд өөрийн биеэр танилцаж, судалсан байна.
Иргэдийн татварын мөнгөөр барьсан халуун усны төв ажилладаггүй, хүнгүй газарт гэрэлтүүлэг хийж, оршин суугч ихтэй гудамжуудаа харанхуй орхисон, намаг, шалбааг дунд амьдардаг иргэд эрүүл мэндээрээ хохирч байгаа, ажилгүйдэл их учраас ахуйн архидалт их зэрэг маш олон бэрхшээл, хүндрэл Сүхбаатар дүүргийн 11-20 дугаар хорооны иргэдэд тулгамдаж байгаа зэрэг асуудлыг судалж, гарц шийдлийг нь судалж байгаа өөр хүн байхгүй учраас Сүхбаатарчууд бие даан нэр дэвшиж буй Д.Мөнх-Эрдэнийг дэмжинэ гэдгээ илэрхийлж байна.

Дарга нар нийлж шийдэл гаргадаг бус, иргэдтэйгээ хамтарч шийдвэр гаргадаг сайн жишиг тогтоох нь чухал гэдгийг Дэмбэрэлцэрэнгийн Мөнх-Эрдэнэ уулзалтынхаа үеэр онцолж байсан. Түүний байр суурийг Сүхбаатар дүүргийн оршин суугчид ч дэмжиж, өөрчлөх цаг болсон гэдэгтэй санал нэг байгаагаа илэрхийллээ.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ