ОХУ-ын Рязань мужид зэвсгийн агуулах дэлбэрч, иргэдийг нүүлгэжээ

ОХУ-ын нийслэлтэй ойрхон оршдог Рязань хотын цэргийн ангийн зэвсгийн агуулахад гал гарч, дэлбэрсэн гэж Баруун цэргийн ангийн хэвлэл өчигдөр мэдээлжээ. Ойролцоо орших мужад өвс шатсаны улмаас гал гарсан аж.  Энэ талаар Баруун цэргийн ангийн хэвлэлийн ажилтан “Салхины улмаас түймэр их бууны сум хадгалдаг агуулах руу чиглэсэн. Цэргийн гал унтраах баг түймрийг унтраах гэсэн боловч зогсоож чадаагүй. Дэлбэрэлтийн улмаас цэргийн ангид байсан албан хаагчдыг өөр газар руу шилжүүлсэн учир нэг ч хүн гэмтээгүй” гэж ярьжээ. Үүнээс гадна Рязань  мужийн 14 суурингаас  1600 гаруй иргэн, 150 хүүхдийг нүүлгэн шилжүүлсэн гэж Онцгой байдлын газраас мэдээллээ. Галыг унтраахаар 400 гаруй хүн ажиллаж байна.