Хогийн саванд гээгдсэн нярайн биеийн байдал дээрдэхгүй, үе үе амьсгалын дутагдалд орж байна

Чингэлтэй дүүрэгт буюу Ард кино театрын "Сиркл К" дэлгүүрийн ариун цэврийн өрөөнд  21 настай эмэгтэй амаржиж нярай хүүхдээ хогийн саванд орхисон хэрэг  2020 оны аравдугаар сарын нэгэнд гарсан юм.  ЧД дэх Цагдаагийн хэлтсээс  тус хэргийг бүртгэлийн хэрэг нээн, хүүхдээ орхисон эмэгтэйг илрүүлэн шалгаж байгаа аж. 

Дутуу төрсөн нярайг ЭХЭМҮТ-ийн Нярайн эрчим эмчилгээний тасагт эмчилж бөгөөд долоо хоногийн хугацаанд биеийн байдал нь дээрдэхгүй байгаа аж. Тус эмнэлгээс нярайд хордлого тайлах, амьсгалын дутагдлаас гаргах  цогц эмчилгээ хийж байгаа боловч төдийлөн үр дүнд хүрэхгүй байгаа юм.