Монголбанк: ЗГ-ын өр 7,8 тэрбум ам.доллар байна

Эрх баригчид зээл тусламжид түшиглэсэн бодлого хэрэгжүүлж байгааг Монгол улсын ерөнхийлөгч чуулганы индэр дээрээс шүүмжиллэсэн. Зөвхөн засгийн газрын өр сүүлийн 4 жилд 3 тэрбум доллараар нэмэгдсэн гэдгийг Монгол банкны ерөнхийлөгч мэдэгдлээ.

Монгол улсын Засгийн газрын өр 2016 онд 4,8 тэрбум доллар байжээ. Харин одоо 7,8 тэрбум доллар болж нэмэгдсэн. Монгол Ардын нам эрх барьсан 4 жилийн хугацаанд засгийн газрын өр 3 тэрбум доллараар өссөн гэсэн үг. Засгийн газрын нэр хүндэд халтай энэ мэдээллийг булзайруулах гэж оролсон хэдий ч Улсын их хурлын даргын шахалтаар Монголбанкны ерөнхийлөгч бодит мэдээллийг өглөө.