Тагнуулын ерөнхий газрын дэд дарга асан, хурандаа Баттөмөрийн Энхсүх Оюуны өмчийн газрыг удирдана

Засгийн газрын хуралдаанаар Оюуны өмчийн газрын даргыг томилжээ. Уг албан тушаалд Тагнуулын ерөнхий газрын дэд даргаар ажиллаж байсан Б.Энхсүх томилогдсон байна. Тэрбээр өөр ажилд шилжин томилогдохоор өнгөрсөн сарын 25-ны өдөр өөрийн хүсэлтээр ажлаа өгсөн юм.

Баттөмөрийн Энхсүх нь 1979 онд Улаанбаатар хотод төрсөн.

Боловсролын байдал:

1997-2001 онд Тагнуулын ерөнхий газрын Дээд сургууль;

2004-2006 онд Удирдлагын академи;

2007-2009 онд Удирдлагын академийн Төрийн удирдлагын магистрантурт тус тус суралцаж төгссөн;

Эрх зүйч мэргэжилтэй. Төрийн удирдлагын магистр зэрэгтэй.

Ажилласан байдал:

2001-2013 онд ТЕГ-т ажилтан, ахлах ажилтан, тасгийн дарга, хэлтсийн дарга;

2013-2014 онд ТЕГ-ын Тамгын газрын дарга;

2014-2016 онд Монгол Улсаас БНХАУ-д суугаа ЭСЯ-нд зөвлөх, Консулын хэлтсийн дарга;

Монгол Улсын Засгийн газрын 2016 оны 8 дугаар сарын 24-ний өдрийн 61 дүгээр тогтоолоор ТЕГ-ын дэд даргаар томилогдон ажиллаж байна.

Монгол Улсын Ерөнхийлөгчийн зарлигаар “Цэргийн хүндэт медаль”, “Цэргийн гавъяаны одон”, Цэргийн гавъяаны улаан тугийн одонгоор тус тус шагнагдсан.

ТЕГ-ын “Хүндэт ажилтан”.