Прокурор: Тагнуулын хурандаа нар гэмт хэрэг үйлдсэн нөхцөл байдал тогтоогдоогүй учир хэргийг хааж байна

Зариг.мн сайт 2020.03.29-ний өдөр “ТЕГ-ын хурандаа нар архидан согтуурч иргэний биед халдсан” баримтыг мэдээллэсэн. Энэ асуудлын хүрээнд холбогдох хууль хяналтын байгууллага нь шалгах ажлыг хэрэгжүүлэн иргэн “Г”-ийн биед гэмтэл учруулсан асуудал дээр цагдаагийн байгууллага хэрэг үүсгэн шалгаж байсан бол ажлын цагаар архидан согтуурч ёс зүйн алдаа гаргасан ТЕГ-ын хэлтсийн дарга Д.Даваанямыг албанаас нь халж арга хэмжээ авсан талаар нь манай сайт мөн мэдээлж байсан.

 Тэгвэл  Прокурорын байгууллагаас  "Тагнуулын хурандаа нар гэмт хэрэг үйлдсэн нөхцөл байдал хангалттай нотлогдож тогтоогдоогүй" гэж үзэн уг хэргийг хаасан байна. 

Д.Даваанямыг шалгаж байсан ажлыг Нийслэлийн прокурорын байгууллагаас зогсоож хэргийг хаасан болохыг түүний өмгөөлөгчид албан ёсоор албан бичгээр мэдэгдсэн байна. 

Бичлэгт гарч буй цагдаагийн Хурандаа Б.Даваанямын өмгөөлөгч Олон нийтийн сүлжээгээр цацагдсан зодооны бичлэг нь хавтаст хэрэгт тусгагдаагүй, цахим сүлжээнд байгаа бичлэг нь бодит эсэх нь эргэлзээтэй тул нотлох баримтын хэмжээнд үнэлэхгүй гэсэн үндэслэлийг гаргажээ. Түүнийг төрийн албан хаагч учраас нэр хүндийг нь гутаах, нийтийн өмнө харлуулсан гэх мэт үндэслэлийг гарган тависныг прокуророоос ханган шийдвэрлэжээ. 

Түүгээр зогсохгүй  Д.Даваанямыг эргүүлэн ажилд нь авахыг хүртэл даалгажээ. Хууль ёсыг тогтооход хяналт тавих үүрэг бүхий прокурорын байгууллага Цагдаагийн хурандаа бусдын биед халдсан баримтыг гэмт хэрэг үйлдээгүй хэмээн ийнхүү үзжээ.