Генерал Д.Гэрэл, Хурандаа Ж.Амгалан нар ямар холбоотой вэ

Өнгөрсөн 2019 оны 11 дүгээр сарын 27-ний өдөр зариг.мн сайтын сэтгүүлч Н.Өнөрцэцэг Сэлэнгэ аймгийн Баянгол сум, Нарангийн голын хөвөөнд байх Пентатерра уурхайгаас сурвалжилга бэлдэн, “Генералын хүү баяжиж байвал хүн мал харангадах нь яамай” нэвтрүүлгийг бэлтгэн гаргасан.

Уг нэвтрүүлэг гарснаас хойш буюу 2019.11.29-ний өдөр ЦЕГ-ын Нийтийн хэв журам, аюулгүй байдлын албаны хурандаа Ч.Чинбат сэтгүүлчийг дуудаж, нэвтрүүлэгтэй холбоотой 41 хуудас баримтыг авсан. Уг баримтын мөрөөр хяналт шалгалт хийгдээгүй бөгөөд өнөөг хүртэл сэтгүүлч баримтаа олж авч чадахгүй байна. Тодруулбал, хурандаа  Ч.Чинбат “сэтгүүлчээс баримт аваагүй” хэмээн маргаж, биед нь халдсан байдаг.

Энэ дагуу “алга болсон” баримтын хойноос тодруулахад Ч.Чинбат хурандаад өгсөн баримтыг түүний дээд албан тушаалтан буюу Нийтийн хэв журам, аюулгүй байдлын албаны дарга хурандаа Ж.Амгалан авч, ТЕГ-ын дарга, генерал Д.Гэрэлд өгсөн байж болзошгүй. Учир нь генерал Д.Гэрэл, Хурандаа Ж.Амгалан нар нэг нутгийнхан буюу Баянхонгорынхон.

Өөр бас нэгэн хардалт дагуулсан мэдээлэл байгаа нь  хурандаа Ж.Амгалангийн төрсөн хүү А.Хатанбаатар ТЕГ-ын Тамгын газарт ажилладаг юм байна. Тэрбээр Д.Гэрэлийг ТЕГ-ын даргаар томилогдсоноос хойш буюу 2018 онд уг ажилд орсон юм байна.