Ерөнхий сайд асан Ж.Эрдэнэбатын талаар ташаа мэдээлэл тараажээ

Өнөөдөр УИХ-ын гишүүн, Ерөнхий сайд асан Ж.Эрдэнэбатыг яллагдагчаар татан шалгаж байгаа гэдэг мэдээлэл цахим сүлжээнд түгсэн.

Тус мэдээлэлд "АТГ-аас УИХ-ын гишүүн Ж.Эрдэнэбатын бүрэн эрхийг түдгэлзүүлэх хүсэлтийг прокурорын байгууллагад хүргүүлсэн байна. Хяналтын прокурор АТГ-ын мөрдөгчийн хүсэлтийг хянаад үндэслэлтэй гэж үзвэл Улсын Ерөнхий прокурорт саналаа хүргүүлнэ. Уг саналыг Улсын Ерөнхий прокурор УИХ-д хүргэдэг хуультай. Энэ дагуу түүний бүрэн эрхийг түдгэлзүүлэх саналыг үндэслэлтэй гэж үзвэл УЕП бүрэн эрхийнхээ хүрээнд уг асуудлыг УИХ-д хүргүүлнэ" гэж дурдагдсан байв.

Тэгвэл дээрх мэдээлэл нь "ор үндэслэлгүй, худал гүтгэлэг" гэж холбогдох эх сурвалж үгүйсгэлээ. Учир нь УИХ-ын сонгууль ойртсон энэ өдрүүдэд тойрог булаалдсан зарим нэг горилогчдын зүгээс түүн рүү явуулж буй дайралт ажээ.

Ташрамд дуулгахад, УИХ-ын гишүүн, Ерөнхий сайд асан Ж.Эрдэнэбат 2012, 2016 оны сонгуулиар Сэлэнгэ аймгаас сонгогдсон байдаг. Түүнийг энэ удаад ч тус тойрогт нэр дэвшихийг Сэлэнгийн ард түмэн хүсэж байгаа гэнэ. Түүнийг нь баталж саяхан Сэлэнгэ аймагт хийгдсэн судалгаагаар тэрбээр нэгт эрэмбэлэгджээ.