10 хүрэхгүй бие даагч мөрийн хөтөлбөрөө Аудитын байгууллагад хүргүүлжээ

УИХ-ын сонгуульд өрсөлдөх нам, эвслүүд мөрийн хөтөлбөрөө хуулийн дагуу гуравдугаар сарын 25-ны дотор аудитын байгууллагад хүргүүлсэн. Нийт 15 нам, дөрвөн эвслийн нийт 19 мөрийн хөтөлбөрийг Үндэсний аудитын газар хүлээн авснаа мэдэгдсэн. 

Аудитын байгууллага мөрийн хөтөлбөрүүдийг хянаж найман нам, дөрвөн эвслийн нийт 12 мөрийн хөтөлбөр шаардлагад нийцээгүй гэдэг үндэслэлээр буцаагдсан юм. Үүн дотор эрх баригч МАН, сөрөг хүчин АН болон МАХН, ШИНЭН-ын эвслүүдийн мөрийн хөтөлбөр багтсан.

Тэгвэл бие даагчдын мөрийн хөтөлбөрийг 4 дүгээр сарын 24 хүртэл хүлээн авч, 5 дугаар сарын 22-нд дүгнэлт гарах юм байна. Өнөөдрийн байдлаар 10 хүрэхгүй бие даагч мөрийн хөтөлбөрөө хянуулахаар өгсөн байна.