ZARIG.MN сайтын сэтгүүлч, зураглаач нарыг тусгаарлах шаардлагагүй гэж ХӨСҮТ мэдэгдлээ

Тус сайтын сэтгүүлч З.Гантулга, Э.Сумьяа нар "Улаанбаатар Сонгдо" эмнэлгээс сурвалжилга бэлтгэн ажилласан. Энэ үеэр ХӨСУТ-ийн ажилтнаас тодруулга авсан юм. 

Тиймээс манай сайтын зүгээс сурвалжлагч, зураглаач нараа эрсдэлд орсон байж болзошгүй гэж үзэн мэргэжлийн байгууллагад хандсан. Тодруулбал, ХӨСҮТ рүү "шинжилгээ өгөх, тусгаарлагдах" шаардлагатай эсэхийг тодруулсан. ХӨСҮТ-ийн мэргэжилтнүүдийг хариу өгтөл манай зураглаач, сэтгүүлч нар хэнтэй ч уулзаагүй бөгөөд автомашиндаа хүлээсэн юм. 

Ингэхэд "УБ Сонгдо эмнэлэгт ажиллаж байсан ХӨСҮТ-ийн ажилтнууд нь халдвар хамгааллын хувцас хэрэгслээр хангагдсан, халдвар зөөвөрлөн тараах эрсдэлгүй тул тухайн ажилтантай харилцсан сэтгүүлч, зураглаач нарт эрсдэл үүсэхгүй. Тиймээс тусгаарлагдах болон шинжилгээ өгөх шаардлагагүй" гэж мэдэгдсэн юм. Энэ дагуу манай сэтгүүлч, зураглаач ажлаа хэвийн үргэлжлүүлж байна.