УБ сонгдо эмнэлгээс ХӨСҮТ-ийн шуурхай баг шинжилгээ авлаа

Улаанбаатар Сонгдо эмнэлэгт коронавирусийн сэжигтэй тохиолдол илэрсэн гэдэг мэдээлэл гарсан. Энэ талаар манай сэтгүүлч тодруулахаар очих үед ХӨСҮТ –ийн эмч нарын шуурхай баг ажиллаж байсан юм. Тэднээс тодруулахад “УБ сонгдо эмнэлгээс шинжилгээ аваад явж байна. Одоогоор батлагдсан тохиолдол байхгүй” гэсэн тайлбар өглөө. Харин тус эмнэлгийн үүдэн дээр “Эмнэлэг түр ажиллахгүй” гэсэн тайлбар бичиж, хаалгаа түгжсэн байдалтай байна.

Мэдээллийг тодруулбал, 13.40 минутын орчимд ХӨСҮТ-ээс баг ирж, шинжилгээ авсан бөгөрөд тухайн үеэс эмнэлэг хаалгаа "барьжээ" Шинжилгээний хариу тун удахгүй гарах аж. 

Эмнэлгийн нэгдүгээр давхарт цахилгаан шатыг хаасан, 30 орчим үйлчлүүлэгч, арав орчим эмнэлгийн ажилтан тухайн эмнэлэгт байгааг мэдээлж байна. ХӨСҮТ-өөс ирсэн гурван ажилтны нэг нь шинжилгээ аваад явсан бол хоёр нь ариутгал хийж байгаа аж.