Т.Ганболд бие даан нэр дэвшинэ

Иргэний зориг ногоон нам эвсэл болохоос өмнө гишүүн нь байсан. Эвсэл болоогүй бол хамтраад явах боломж байсан. Гэвч эвсэл болсноор асуудал өөр тийш эргэсэн.

30 жил болсон намын систем иргэдэд итгэл төрүүлэхгүй байна. Тиймээс бие даах хэлбэрийг сонгож байгаа. Бие даагч нарт сул тал их байна. Гишүүн болоход эрсдэл ихтэй.

Сонгогчид ч  С.Жавхлан, Ж.Батзандан нараар төсөөлж ирсэн. Бие даагчид нэгдсэн бодлого зорилготой, үзэл баримтлалтай, зохион байгуулалттай байж чадвал бие даагч байх нь харин ч давуу тал болж болно. Намд барьцаалагдаагүй, өр төлбөрт хүлэгдээгүй байх боломжтой. Энэ утгаараа энэ хэлбэрийг сонирхож байна. Нийгэмд хэрэгцээтэй, салбар салбарын манлайлал болсон хүмүүс нэгдэх боломж бий. Тиймээс олон хүнтэй уулзаж явж байна. Одоогоор ямар нэгэн тойрог сонгож, тодорхой болгоогүй.