Н.Удаанжаргалыг яллагдагчаар татжээ

МАН-ыг шинэчилнэ гэж хөдөлгөөн өрнүүлж байсан хэсэг залуус өнөөдөр бүгд төрийн албанд чухал албан тушаалууд дээр очсон. Тэдний нэг "Таван толгой төмөр зам" компанийн гүйцэтгэх захирал Н.Удаанжаргал нь бусдын эрүүл мэндэд гэмтгэл учруулсан  гэдгээр эрүүгийн гэмт хэрэгт яллагдагчаар татагдан шалгагдаж байна. Уг хэрэг 2019 оны 12 сарын 14-нд “Сөүл” ресторанд  Сэлэнгэ аймгийн Сүхбаатар сумын нутгийн зөвлөлийн шинэ жилийн арга хэмжээний үеэр үйлдэгджээ. Хохирогч Г-ийн хувьд гомдолтой байгаа бөгөөд ямар нэгэн шалтгаангүйгээр зодуулсан талаараа бидэнд мэдээллээ.  Тус хэргийг Сүхбаатар дүүргийн цагдаагийн нэгдүгээр хэлтэст шалгасан бөгөөд удахгүй шүүх хурал нь болох аж.    Хэрэг үйлдэгдсэнийг нотлох   “Сөүл” рестораны үүдний камерын бичлэг устсан байсан талаар хохирогч Г мэдээлэв.