ЖДҮ-ийн луйвар зэрэг хууль бус үйлдлүүдтэй тэмцэж яваа хуульчид УИХ-д орж ирэх хэрэгтэй

Хоёр сар орчмын дараа УИХ-ын ээлжит сонгууль болно. Сонгууль бол улстөрчдийн хүлээх цаг үе байхаас гадна уг нь иргэд, сонгогчдын зөв сонголт хийхээр хүлээх цаг байх нь зүй юм.Учир нь зөв сонголт хийж гэмээн ирэх дөрвөн жилд, цаашлаад хэрэгжих чанартай хуулиудыг батлах ёстой.

УИХ бол хууль батлах институт. Тэнд чадварлаг хуульчид, мэргэжлийн хүмүүс байх нь уг нь иргэд, сонгогчдод хэрэгтэй.

Харин энэ жилийн сонгуулийн өмнө коронавирусийн халдвар дэлхий дахиныг айлгаж, хөл хорио тогтоод байна. Энэ нь иргэд шинээр нэр дэвших, УИХ-д очих нь зүйтэй хүмүүсээ таних боломжийг хязгаарлаж байна.

Ийм үед өнөөх л, хуучны улиг болсон улстөрчид дахин дахин нэр дэвших, УИХ-д суух сөрөг завшаан болж болно.

Тиймээс хуульзүйн салбарт “чанагдан” туршлагажсан, хууль бус үйлдлүүдтэй үр дүнтэй тэмцэж яваа залуу боловсон хүчнүүдийг нэрлэж байна. Магадгүй улстөрийн томоохон намын удирдлагууд мэргэшсэн, залуу боловсон хүчнүүдийг сойх нь шинэ цагийн зөв эхлэл байх биз ээ.

Тухайлбал, жижиг дунд үйлдвэрийг хөгжүүлэх сангийн зээлийг авах учиртай жинхэнэ жижиг дунд үйлдвэр эрхлэгчдийн боломжийг "хулгайлсан", төрийн өндөр албан тушаалтнууд, тэдний хамаарал бүхий этгээдүүдийн асуудлыг хуульзүйн үндэстэйгээр гарган тавьж, шүүхээр хэлэлцүүлж, өөрчлөлт авчирсан залуу хуульчид бий. Хуульч О.Мөнхсайхан, Ж.Эрхэмбаатар, Б.Гүнбилэг, Д.Мөнх-Эрдэнэ Б.Мэргэн зэрэг салбартаа манлайлан, хууль бус үйлдлүүдтэй бодитоор тэмцэж байгаа хуульчдыг нэрлэж болох юм. 

Дахин хэлэхэд, УИХ бол хууль батлах институт. Тэнд чадварлаг хуульчид, мэргэжлийн хүмүүс байх учиртай.