БНСУ-аас ирэх 3600 зорчигч, Улаанбаатраас явах 1600 гаруй зорчигчийн билет цуцлагдаж байна

ХХЕГ: Өнөөдөр 2 сарын 24нд: Сөүл-Улаанбаатар чиглэлийн KE867, 211 зорчигч үүнээс Монгол 169, гадаад 52, БНСУ-ын 33, ОМ302, 161 зорчигч үүнээс Монгол 151, гадаад 10, БНСУ-ын 4 зорчигч ирэх юм байна. Одоогоор сэжигтэй зорчигч байхгүй байна.

-Улсын онцгой комисс яаралтай хуралдаад Инчон болон Бусаны бүх нислэгийг 2020 оны гуравдугаар сарын 2-ны өдөр хүртэл түр хугацаагаар зогсоох шийдвэр гаргалаа.

-Транзит зорчигчдыг зөвхөн Инчоны буудлаас авахаар болж байна.

-Түр хоригийн улмаас зогсоож байгаа бүх нислэгийг билетийг үнэгүй буцаана. Хорио тавигдсаны дараа цуцлагдсан тасалбараар явах боломжоор хангаж өгөх чиглэлийг авиа компаниудад өгсөн.

-Онгоцонд халуунтай хүмүүсийг суулгахгүй байхыг авиа компаниудад даалгасан. Мөн халдварын онцгой бүсээс хүн суулгахгүй байхад онцгой анхаарах заавар өгсөн.

-Бүх шийдвэрийг Өмнөд Солонгосын талтай зөвшилцөж байж гаргасан.

-Улс орнууд Өмнөд Солонгос руу зорчихгүй байхыг зөвлөөд эхэлсэн. Иордан, Израйл улсууд Өмнөд Солонгосоос ирсэн хүмүүсийг шууд 14 хоног тусгаарлаж байж цааш нэвтрүүлэхээр болсон.

-Өмнөд Солонгосын их дээд сургуулиуд хичээлийн эхлэлийг гуравдугаар сарын 2, 6-н хүртэл хойшлуулсан.

-Өмнөд Солонгосын Дэгү хотоос ирсэн, тус хотоо зорчсон иргэдэд түр хугацаагаар виз өгөхийг зогсоож байгаа.

-Визний зөрчилтэй бол хөнгөлөлттэй хандах тохиролцоонд хүрсэн. Тухайлбал, 4 жил 10 сар ажилласан гадаадын гэрээт ажилчдыг 50 хүртэлх хоногоор ажиллах зөвшөөрлийг Солонгосын талаас олгосон.