Ч.Сайханбилэг комиссараа орхин гурван сарын өмнө Монголоос явжээ

Ерөнхий сайд асан Ч.Сайханбилэгийг "Эрдэнэт" үйлдвэрийн 49 хувийг ОХУ-аас худалдаж авах үйл ажиллагаанд гар бие оролцохдоо хууль зөрчсөн, мөн Оюутолгой компанийг илтэд хууль зөрчиж, татвараас чөлөөлсөн болон Дубайн гэрээтэй холбоотой асуудлаар АТГ-аас эрүүгийн хэрэг үүсгэншалгаж байгаа. Ч.Сайханбилэг нь мөрдөн байцаалтын явцад буюу 2019 оны наймдугаар сарын 27-нд Монгол улсын хилээр биеэ эмчлүүлэх өргөдөл гаргаж сарын чөлөө авч АНУ-ыг зорьжээ.Гэтэл заасан хугацаанцаа ирээгүй учир хуулийн байгууллагаас түүний араас холбогдоход ахин сарын хугацаа хүссэн байна. Хуулийн байгууллагаас түүний хүсэлтийн дагуу сарын хугацаанд хүлээсэн боловч тэрбээр 10-р сарын 27-нд буюу заасан хугацаандаа Монголд ирээгүй аж. Одоогийн байдлаар хуулийн байгууллагынхан түүнтэй холбогдож чадахгүй, Ч.Сайханбилэгийг хаана байгааг мэдэхгүй хайж байгаа юм. Монгол Улсын Ерөнхий сайд асан Ч.Сайханбилэгийг дөрвөн жилийн хугацаанд төрийн тусгай хамгаалалтанд байлгаж комиссараар хамгаалуулах учиртай. Гэвч тэрбээр өнгөрсөн намар АНУ-руу явахдаа өөрийн комиссараа орхиод явжээ. Төрийн нууцыг мэддэг, төрийн өндөр албан тушаал хашиж байсан түүнийг яагаад комиссаргүй хил давуулав гэдэг асуудал хуулийнханы дотор өндрөө аван яригдаж эхэлжээ. Тиймээс Ч.Сайханбилэгийг эрэн сурвалжлуулах хүсэлтийг АТГ-аас гаргасан байна.