Хурандаагийн хүү баяжиж байвал хүн, мал харангадах нь яамай

Тагнуулын ерөнхий газрын дарга Д.Гэрэлийн төрсөн хүү Г.Аранзал нь гурван компанийн ард нуугдаж Сэлэнгэ аймгийн Баянгол сумын нутаг Нарангийн голыг алт ухаж сүйтгэжээ. Г.Аранзалын гурван компаниар дамжуулж эзэмшиж буй 63,24 га талбайг алтны шороон ордоор ашиглахаар лицензийг 2045 он хүртэл "Пентатерра" компани дөрвөн жилийн өмнө авчээ. Тэд дөрвөн жилийн хугацаанд өдөр шөнөгүй ажиллачихаад 87,5 кг алт олборлосон гэдэг нь бас эргэлзээтэй. Хууль бусаар алт нэвтрүүлэх хулгайтай хуулийн байгууллага яг жинхэнээсээ тэмцэж чадахгүй байна уу? Монгол Улсын ЗГ-аас хууль бус уурхайн үйл ажиллагаатай тэмцсээр байхад яагаад түүний уурхай хаагдахгүй үлдэв. Манай сэтгүүлч Н.Өнөрцэцэг газар дээрээс нь ажиллаад ирлээ. Хүн, мал ундны усгүй болсон баримтыг үзүүлнэ.