Замын хөдөлгөөний удирдлагын хэлтсийн дарга хурандаа Б.Батболд ч албаны автомашиныг аминдаа ашиглагч

Хууль хэрэгждэггүйн жишээг хууль хэрэгжүүлэх чиг үүрэгтэй цагдаа, АТГ, Үндсэн хуулийн цэцийн гишүүд, дарга нар биеэрээ үлгэрлэн харуулж байна. Албаны зориулалтын автомашиныг амин хувьдаа ашиглагчдын эгнээнд жагсах дараагийн эрхэм бол Замын хөдөлгөөний удирдлагын хэлтсийн дарга хурандаа Б.Батболд юм.

Тодруулбал, 2019.11.11-ний өдөр Монгол оросын хамтарсан гуравдугаар сургууль дээр хүүхэд буулгасан албаны автомашинуудын нэг нь 05-36 УНҮ дугаартай автомашин. Бид тухайн автомашиныг ашиглагчийг тодруулахад ,ЗХУХ-ийн дарга, хурандаа Б.Батболдынх байсан юм.

Цагдаагийн алба хаагчид гэмт хэргээс урьдчилан сэргийлэх, хуулийг хэрэгжүүлэх чиг үүрэгтэй. Тэр үүргээ ухамсарладаггүй, шударга бус байдал нь ийнхүү алхам тутамд нь баталгаажиж байна.

Тэд харин татвар төлөгчдөөс уучлал гуйх уу, хууль зөрчсөнийхөө төлөө хариуцлага хүлээх үү гэдгийг татвар төлөгч иргэд хүлээж байна.