Б.Баярмагнай: Миний бие ар гэрийн шалтгаанаар Монголын үндэсний фронтын ажлаасаа хөндийрч байна

"Монголын үндэсний фронт" хөдөлгөөний тэргүүн нь хошууч генерал Б.Баярмагнай. Тэгвэл тэрбээр тус хөдөлгөөний үйл ажиллагаанаас удаан хугацаанд хөндийрөхөөр болжээ.

Б.Баярмагнай цахим хуудсандаа "Миний бие ар гэрийн шалтгаанаар "Монголын үндэсний фронт"ын ажлаас удаан хугацаагаар хөндийрч байгааг үүгээр мэдэгдье. МҮФ-ыг Монголын төр, ард иргэд хүлээн зөвшөөрөгдөх хүртэл хэмжээнд хамт явсан фронтын нөхөддөө баярлалаа" гэжээ.

Уг нь тэрээрээ жагсаалынхаа төгсгөлд улам олуулаа болж ахин жагсана гэдгээ мэдэгдэж байсан билээ.