МАН-ЫН БҮЛГИЙН ДАРГА Д.ТОГТОХСҮРЭНГ АВЛИГЫН ХЭРГЭЭР АТГ ШАЛГАЖ БАЙНА

УИХ-ын гишүүн, УИХ дахь МАН-ын бүлгийн дарга Д.Тогтохсүрэнг авлигын хэргээр АТГ шалгаж байна. Тодруулбал, Д.Тогтохсүрэн нь 2016 оны сонгуулиас өмнө Өвөрхангай аймгийн Засаг даргаар ажиллаж байхдаа тендерт шалгаруулсныхаа төлөө бусдаар дамжуулан 70 сая төгрөгийн авлига авсан гэдгийг авлига өгсөн иргэн илчлэн, АТГ-т ханджээ.

Авлига авсныхаа дараа тухайн иргэнд олон төрлөөр дарамт үзүүлж байсан ба энэ хэрэгт Өвөрхангай аймгийн өнөөгийн Засаг дарга Г.Ганболд, ЗДТГ-ын Ерөнхий санхүүч Ч.Болормаа нар оролцсон болохыг мөн шалгуулахаар баримтаар хавсаргасан байна.

Хясан боогдуулсны улмаас авлига өгч, төрийн үйлчилгээ авснаа сайн дураар илчилбэл Эрүүгийн хуулийн 22.5-д зааснаар ялаас чөлөөлөгдөх боломжтой байдаг. Авлигаа илчилж буй асуудалд холбогдогч нь УИХ-ын гишүүн, төрийн өндөр дээд албан тушаалтан байгаа нь анхны тохиолдол болж байна.