Г.ДОРЖЗОДОВ ГЭРЧЭЭР ДУУДАГДСАН Ц.САНДУЙ, А.ГАНБААТАР НАРЫН ШҮҮХ ХУРАЛ ЭХЭЛЛЭЭ

Өнөөдөр 09.30 цагаас Баянгол дүүргийн Эрүүгийн хэргийн анхан шатны шүүхэд НИТХ-ын төлөөлөгч Ц.Сандуй, МАН-ын гишүүн асан А.Ганбаатар нарт холбогдох хэргийн гэм буруугийн шүүх хурал эхэллээ. Шүүгдэгч нарт прокурорын газраас 2002 оны Эрүүгийн хуулийн тусгай ангийн 82 дугаар зүйлийн 82.1 дэх хэсэгт зааснаар "Төрийн эрх мэдлийг хууль бусаар авах хуйвалдаан зохион байгуулах" гэмт хэрэгт яллах дүгнэлт үйлдэж ирүүлсэн хэргийг хэлэлцэж байгаа юм. Хуралд гэрчээр Г.Доржзодов оролцож байгаа бол түүний өмгөөлөгчөөр АТГ-ын Олон нийтийн зөвлөлийн дарга Г.Баасан ирсэн байна.