ГАДНЫ НӨЛӨӨГҮЙ ГЭХ ХЭРГИЙН ХОЛБОГДОГЧ НАР ТУС БҮР 5 ЖИЛИЙН ЯЛ АВЛАА

Цэргийн ангид амиа алдсан байлдагч Б.Алтантулгын хэргийн шүүх хурал найман сарын дараа болж, холбогдох этгээдүүдэд ял оноолоо. Тодруулбал, 2019 оны нэгдүгээр сарын 22-ны өдөр Дорноговь аймгийн Зүүнбаян дахь Зэвсэгт хүчний 336 дугаар ангийн алба хаагч ил харагдах олон тооны шархтай амиа алдсан хэрэг гарсан. Тухайн үед цагрдаагийн байгууллагаас "урьдчилсан байдлаар гадны нөлөөгүй" хэмээн мэдээлж байсан нь олны шүүмжлэл дагуулсан юм. Тэгвэл гурван удаа хойшилж, найман сарын дараа хуралдсан хурал 12.00 цагаас 21.30 цаг хүртэл үргрэлжлэн шийдвэрээ гаргалаа.

Уг хэрэгт холбогдуулан тус цэргийн ангийн Мото буудлагын батлионы танкын ротын захирагч А.Энхбаяр, танкын ротын нэгдүгээр салааны механик, жолооч Р.Вандалхангай, салаан захирагч П.Бадамсамбуу нарыг шалгасан юм. Тэд 24-31 насны залуус байна.

Эрүүгийн хуулийн ерөнхий ангийн 3.7 дугаар зүйлийн 1 дэх хэсгийг журамлан, мөн хуулийн тусгай ангийн 28.3 дугаар зүйлийн 1, 10.6 дугаар зүйлийн 1 дэх хэсэгт тус тус заасан гэмт хэрэгт холбогдсон А.Энхбаяр, Р.Вандлхангаа, П.Бадамсамбуу нарын холбогдох хэргийг шүүлээ.

Шүүх хуралд улсын яллагч А.Дүүрэнбилэг, хохирогч Б.Эрдэнэбат, түүний өмгөөлөгч Р.Булгамаа, Д.Даваадорж, Б.Өлзийцэрэн, шүүгдэгч А.Энхбаяр, түүний өмгөөлөгч Э.Нарангарав, Ж.Хүдэрчулуун, шүүгдэгч П.Бадамсамбуу, түүний өмгөөлөгч Б.Эрдэнэбаатар, шүүгдэгч Р.Вандлхангаа, түүний өмгөөлөгч Ж.Чимэг нар оролцов.

Ингээд шүүх бүрэлдэхүүн А.Энхбаярт эрүүгийн хуулийн тусгай ангийн 28.3 зүйлийн 1, 10.6 дугаар зүйлийн 1 дэх хэсэгт зааснаар 5 жил, шүүгдэгч Р.Вандлхангаад Эрүүгийн хуулийн 28.3 дугаар зүйлийн 1, 10.6 дугаар зүйлийн 1 дэх хэсэгт зааснаар 5 жил, шүүгдэгч П.Бадамсамбууд мөн хуулийн 28.3 дугаар зүйлийн 1 дэх хэсэгт зааснаар 6 сар хорих ял оноожээ. Шүүгдэгч нарын өмгөөлөгч нар тэнсэн харгалзах ял өгүүлэх хүсэлтэйгээр орж ирсэн ч ийнхүү шүүх бүрэлдэхүүн ял оноолоо.