Ц.СОДНОМДОРЖ: ТӨРИЙН ТҮШЭЭД МИНЬ ДОПИНГИЙН АСУУДЛЫГ ШУДАРГААР ШИЙДЭЖ ӨГНӨ ҮҮ

Энэ жилийн Үндэсний их баяр наадмын түрүү бөх Э.Оюунболдын шинжилгээнээс допингийн төрлийн хориотой дөрвөн төрлийн бодис илэрсэн. Харин шинэхэн аварга "Миний шээсийг сольсон байна. Би допинг хэрэглээгүй" хэмээн мэдэгдэж, хуулийн байгууллагад хандаад байгаа юм.

Уг нь Баяр наадам зохион байгууллах комисс шинжилгээний дүнд үндэслэн бөхчүүдийн цолыг хураах, цол, чимэг нэмэх саналаа МУ-ын Ерөнхийлөгчид хүргүүлэн шийдэх учиртай ч ийнхүү асуудал хуулийн байгууллага руу шилжсэнээр удаашраад байгаа.

Тэгвэл МУ-ын арслан Ц.Содномдорж өөрийн цахим хуудсаараа дамжуулан энэ асуудлаар хүсэлт бичжээ. Тодруулбал "Монгол наадам, монгол өв соёл их эзэн хаанаас, миний өвлөж ирсэн эрийн гурван наадам, эртэй хүчтэнээ шалгаруулж, эрхий мэргэн харваачаа сорьж, эрэмгий хурдан хүлгээ уралдуулж ирсэн түүхтэй ард түмэн билээ. Ард түмнээ хүндлэн өндөр их төрийн түшээд минь үнэн шударгаар шийдвэрлэж өгнө үү, No doping" хэмээн бичжээ.