Д.ДОРЖХАНДЫГ ҮРГЭЛЖЛҮҮЛЭН ХОРИХ, Ч.АЛТАНХУЯГ НАРЫГ СУЛЛАХ ШИЙДВЭР ГАРГАЖЭЭ

Сүхбаатар дүүргийн Эрүүгийн хэргийн анхан шатны шүүх Нийслэлийн Прокурорын газраас Д.Доржхандыг "цагдан хорих таслан сэргийлэх арга хэмжээ авахуулах" санал ирсэнийг хэвээр баталж, Ч.Алтанхуяг, н.Баярхүү нарыг цагдан хорих таслан сэргийлэх арга хэмжээ авах тухай саналыг "үндэслэл бүхий баримт тогтоогдохгүй байна" гэж үзэн хэрэгсэхгүй болгож, суллажээ.

Ингээд Ч.Алтанхуяг, н.Баярхүү нарт Монгол Улсын хилээр гарахгүй байх хязгаарлалт тогтоож, тодорхой хүмүүстэй уулзахгүй байх таслан сэргийлэх арга хэмжээ авч шийдвэрлэсэн байна.

Д.Доржханд нь Зам тээврийн хөгжлийн яамны Авто тээврийн бодлогын хэрэгжилтийг зохицуулах газрын даргаар ажилладаг бөгөөд АТГ-аас баривчилсан юм. Түүнийг авто замын компаниудын дунд тендер зарлахдаа бусдад давуу эрх олгож авилга авсан байж болзошгүй үндэслэлээр шалгаж байгаа юм.