МОНГОЛЫН ЦАГДАА, СЭТГҮҮЛЧ, ДИПЛОМАТ АЖИЛТНУУД, АЙМГИЙН ДАРГА НАР ЭРЭН СУРВАЛЖЛАГДАЖ БАЙНА

Польш улсын цагдаагийн байгууллагын эрэн сурвалжилж байгаа иргэдийн жагсаалтыг шүүвэл цагдаа, сэтгүүлч, аймгийн иргэдийн хурлын дарга, дипломат ажилтнууд гээд урт дараалалаар манайханы овог нэрс, хөвөрч байна. Тодруулбал 2019 оны 6-р сарын байдлаар Бүгд найрамдах Польш улсын Цагдаагийн байгууллагын эрэн сурвалжилж байгаа иргэдийн дотор Монгол улсын 69 иргэн бий. Тус улсад зорчихдоо эдгээр иргэд хууль бус наймаа, мансууруулах бодис зөөсөн зэрэг гэмт хэрэг үйлджээ. Хамгийн хачирхалтай нь эдгээр 69 иргэний 35 дипломат ажилтан байжээ. Тэд дипломат албан паспорт ашиглан Польш улсын хууль тогтоомжийг зөрчин гэмт хэрэг үйлдээд оргон зайлсан байна. Эрэн сурвалжлагдаж буй этгээдүүд хариуцлага хүлээх нь битгий хэл өнөөдөр ч өөр улсад дипломат албанд тушаал дэвшин ажиллаж байгаа юм. Зарим нэр бүхий УИХ-ын гишүүдийн хүүхэд, томоохон бизнес эрхлэгч нарын дүү, Төрийн албанд өндөр албан тушаал хашдаг дарга нарын гэр бүлийн гишүүд эрэн сурвалжилж буй иргэдийн жагсаалтанд багтжээ. Энэ талаар УИХ-ын Аюулгүй байдал, гадаад бодлогын байгаа хороо анхаарч, Цагдаа, Тагнуулын байгууллагад үүрэг өгч ажилласан байна.