Г.БАТХҮҮ АГСНЫ ХЭРГИЙГ УЛСЫН МӨРДӨН БАЙЦААХ ГАЗАР ШАЛГАЖ БАЙНА

УИХ-ын дэд дарга асан талийгаач Г.Батхүү төрийн ордонд учир битүүлгээр амь насаа алдаад гурван сар гаруй болж байна. Түүний үхлийг гадны нөлөөтэй байж болзошгүй гэж ар гэрийнхэн нь үзэж гомдолтой байгаа юм. Баттай эх сурвалжийн мэдээлж буйгаар талийгаач Г.Батхүүгийн баруун нүд хөхөрсөн, хэд хэдэн хавирга хугарсан байдалтай олджээ. Талийгаачийн цогцсонд хийсэн шүүх эмнэлгийн дүгнэлтээр түүнийг өвчний улмаас бус гэмтлийн шалтгаанаас амиа алдсан болохыг тогтоосон байна. Хэргийг Улсын мөрдөн байцаах газар шалгаж байгаа бөгөөд 200 гаруй иргэнээс мэдүүлэг авчээ. 2019 оны 05-р сарын 17-ны өдөр төрийн ордонд архидсан нэр бүхий УИХ-ын гишүүдээс хуулийн байгууллага гэрчийн мэдүүлэг авсан байна.