З.ЭНХБОЛД: Э.ОЮУНБОЛДЫН ДОПИНГИЙН АСУУДАЛ ШИЙДЭГДЭХГҮЙ ЦОЛ ХУРААХ АСУУДАЛ 2-3 ЖИЛИЙН ДАРАА ЯРИГДАНА

Үндэсний их баяр наадмаар түрүүлсэн аварга Э.Оюунболдын шинжилгээнээс допингийн төрлийн бодтс илэрсэн ч тэрбээр "би допинг хэрэглээгүй, миний шээсийг сольсон" гэсэн мэдэгдэл хийгээд байгаа. Тиймээс шүүхт хандсан байна.

Бөхийн цол олгох, хураах зарлигийг МУ-ын Ерөнхийлөгч гаргадаг бөгөөд манай сэтгүүлч Ерөнхийлөгчийн Тамгын газрын дарга З.Энхболдоос энэ асуудлаар тодрууллаа. Тэрбээр "Цол хураах талаарх бичиг Ерөнхийлөгчийн тасгын газарт ирээгүй. Энэ асуудал тийм ч хурдан шийдэгдэхгүй. Шүүхээр орж хэдэн жил явж байж, допинг хэрэглэсэн нь тогтоогдвол цол хураах, түүнтэй холбогдуулан бусад бөхчүүдийн цол, чимгийг олгох асуудал яригдана.

Допингийн асуудал маш удаан явдаг. Ц.Элбэгдорж ерөнхийлөгчийн үед болсон допингийн асуудал сая л шийдэгдэж, цол ньнөхөж олгогдож байсан. Манай үндэсний бөх олимпын төрөл биш учраас олимпын төрөлд тавигддаг допингийн журам үндэсний бөхөд үйлчлэхгүй гэдэг асуудлыг ч хүмүүс тавьж байна. Ер нь Э.Оюунболдын допингийн асуудал, цол хураах асуудал 2-3 жил шүүхээр үргэлжилнэ" гэсэн мэдээлэл өглөө.