ҮАБЗ Э.ОЮУНБОЛДЫГ ЯРИАГҮЙ, ЛИЦЕНЗ ЯРЬСАН

Өчигдөр ҮАБЗ хуралдсан. Уг хуралдаанд Цагдаа, Тагнуулын байгууллагын дарга нар болоод УУХҮ-ийн сайд Д.Сумъяабазар, БОАЖ-ын сайд Н.Цэрэнбат нар оролцов. Тус хуралдаанаар уул уурхайн салбарт хууль бусаар олгогдсон лицензийн талаар хэлэлцсэн байна. Архангай аймагт хууль бусаар олборлолт явуулж, байгаль дэлхийг уйлуулж байсан үйлдлийг У.Хүрэлсүхийн ЗГ зогсоосон юм. Яг түүн шиг дараагийн хууль бус уурхайтай тэмцэх аймаг бол Дорнод, Сүхбаатар, Хэнтий аж. Зүүн аймгуудад нефть, жонш, нүүрсний цөөнгүй уурхай бий. Тэдний дотор хууль зөрчиж үйл ажиллагаа явуулж буй ч олон байдаг. Тиймээс 9-р сарын эхээр сайд нараас бүрдсэн ажлын хэсэг зүүн гурван аймагт ажиллаж хууль бус уурхайн үйл ажиллагааг зогсоохоор болсон байна.