​ГАВЬЯАТ ХУУЛЬЧИЙН ОХИН, МИСС Н.ЧИМЭДЛХАМ АВИЛГЫН ХЭРГЭЭР СААТУУЛАГДАН ШАЛГАГДАЖ БАЙГАА

Эрүүл мэндийн яамны эрүүл байгууллагын тусгай зөвшөөрөл хариуцсан мэргэжилтэн Н.Чимэдлхам нь авилгын хэргээр саатуулагдан шалгагдаад гурван сар гаруй хугацаа өнгөрч байна. Н.Чимэдлхам нь сургууль төгссөн даруйдаа буюу Г.Шийлэгдамбыг сайдаар ажиллаж байх үед анх яаманд ажилд оржээ. Сүүлд иргэдийн зүгээс түүний нэр дээр удаа дараа гомдол ирж хариуцлага тооцох тухай яригдахад УИХ-ын нэгэн гишүүн түүнийг хамгаалж үлдсэн байна. Н.Чимэдлхамд хариуцлага сануулсаар байтал аавынхаа галын уяач, УИХ-ын гишүүний нөмөрт удаа дараа хахууль авсаар байгаад ийнхүү саатуулагдсан гэдгийг ойрын эх сурвалж мэдээлж байгаа юм.

Авилгын хэргээр саатуулагдсан Н.Чимэдлхамын төрсөн аав нь Монгол Улсын гавъяат хуульч С.Нямжав юм.

Тэрбээр 1975-1977 онд Булган аймгийн Хууль зүйн зөвлөгөө өгөх газарт өмгөөлөгч, 1977-1980 онд Булган аймгийн ардын хэсгийн шүүхэд шүүгч, 1980-1987 онд Булган аймгийн шүүхийн шүүгч, арбитрч, орлогч дарга, 1987-1998 онд Булган аймгийн шүүхийн дарга, Ерөнхий шүүгч, 1998-2012 онд Улсын Дээд шүүхийн шүүгч, 2012.01.06-ны өдрөөс Улсын Дээд шүүхийн Эрүүгийн хэргийн танхимын тэргүүнээр ажилласан бөгөөд шүүгчээр нийт 37 жил ажиллажээ.

Н.Чимэдлхам нь "Miss Mongolia-2008" тэмцээний дэд байранд орж олон улсын тэмцээнд явж байсан нэгэн юм байна.