М.ЭНХСАЙХАНЫГ ЦАГДАН ХОРИЛОО

Монгол Улсын Шадар сайд асан М.Энхсайханыг өчигдөр орой буюу 2019.06.20 ны 23 цагийн орчимд цагдан хорилоо. Тэрбээр одоо ШШГЕГ-ын харъяа урьдчилан хорих 461 -р ангид хоригдож байгаа юм. Түүнийг "Таван толгой"-н орд газрыг ашиглах төслийн ажлын хэсгийн ахлагчаар ажиллаж байхдаа албан тушаалаа урвуулан ашигласан эсэхийг Нийслэлийн прокурорын газраас эрүүгийн хэрэг үүсгэн шалгаж байсан юм.

Тус асуудлаар АТГ-т хэд хэдэн удаа байцаалт өгсөн билээ. М.Энхсайхан нь Ч.Сайханбилэгийн ЗГ-ын үед яамгүй, ажлын байргүй, цүнхтэй, ганцхан чиглэлтэй сайд байсныг уншигч та бүхэн санаж буй бизээ. Ямартаа ч түүнийг өчигдөр шөнө ажлын цаг дууссан хойно ийнхүү таслан сэргийлэх арга хэмжээ авчээ.

Нэмэлт: Монгол Улсын Ерөнхийлөгч асан Ц.Элбэгдоржийг тус хэрэгтэй холбогдуулан хуулийн байгууллага шалгаад гурван сар гаруй хугацаа өнгөрч байгаа юм.