УИХ-ЫН ТАВАН ГИШҮҮНИЙГ ЯЛЛАГДАГЧААР ТАТАХ ТОГТООЛ ГАРГАЛАА

Admin

2019/01/28

Өнгөрсөн долоо хоногт АТГ-аас мэдээлэл хийх үеэрээ УИХ-ын таван гишүүнийг яллагдагчаар татах тогтоол гаргасан тухай мэдээллэж байв. Гэвч тухайн үед нэрийг нь зарлаагүй. Хуулиндаа УИХ-ын гишүүнийг яллагдагчаар татан шалгах шаардлага үүссэн тохиолдолд гишүүний бүрэн эрхийг нь түдгэлзүүлэх саналыг Прокуророос гаргах эрхтэй байдаг юм байна. Одоогоор нэр бүхий таван гишүүнийг Прокуророос бүрэн эрхийг нь түдгэлзүүлэх санал гаргаж, УИХ хүлээж авахаас татгалзаад байгаа юм.

Прокуророос Б.Ундармаа, Г.Солтан, Л.Энхболд, Д.Дамба-Очир, Б.Батзориг нарыг эргүүлэн татах албан бичигтээ "...Эрүүгийн хэрэг үүсгэж, яллагдагчдаар татсан бөгөөд УИХ-ын гишүүний бүрэн эрхийг түдгэлзүүлэх саналыг танилцуулж байна" гэж дурдсан байдаг.

Нэр бүхий таван гишүүнийг Эрүүгийн хуулийн 22.1.3-т зааснаар буюу нөлөө бүхий албан тушаалтан болох УИХ-ын гишүүн эрх мэдэл, албан тушаалаа ашиглаж гэмт хэрэг үйлдсэн гэдгээр яллагдагчаар татсан байна.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ