ЗУУН АЙЛЫН ҮЙЛЧИЛГЭЭНИЙ ТӨВД ГАДААД ПАСПОРТЫН ЗАХИАЛГА АВАХГҮЙ

Төрийн үйлчилгээг иргэдэд шуурхай үзүүлж, үйлчилгээний төвлөрлийг сааруулах зорилгоор 2018 оны дөрөвдүгээр сарын 09-ний өдрөөс эхлэн гадаад паспортаа төвийн зургаан дүүрэг, Дүнжингарав, Драгон, Мишээл, 7-н буудлын Оргил худалдааны төвд байрлах нийслэлийн үйлчилгээний нэгдсэн төвүүдээс авахаар болсон. Тодруулбал тус төвүүдэд байрлах улсын бүртгэлийн хэлтэст харьяалал харгалзахгүй захиалж, захиалсан газраасаа авах боломжтой болсон. Харин Зуун айлд байрлах ОӨУБЕГ-ын үйлчилгээний нэгдүгээр байранд гадаад паспортын үйлчилгээ үзүүлэхгүй юм. Өөрөөр хэлбэл нэг цэгт төвлөрч байсан үйлчилгээг сааруулж, 10 цэгээр дамжуулан иргэдэд үйлчилнэ.