ЭКС ЕРӨНХИЙЛӨГЧ Н.БАГАБАНДИЙН ЭЗЭМШЛИЙН 0.4 ГА ГАЗАР ЭЗЭМШИХ ЭРХИЙГ ЧӨЛӨӨЛӨХӨӨР БОЛЖЭЭ

Байгаль орчин, аялал жуулчлалын сайдын "Газар ашиглах эрхийг дуусгавар болгож, газрыг чөлөөлөх" тогтоолын дагуу экс ерөнхийлөгч Н.Багабандийн Залаатын ам дахь 0.4 га газар эзэмших эрхийг чөлөөлөхөөр болжээ. Өнгөрсөн сарын 29-нд гарсан уг тогтоолын дагуу Зайсангийн аманд гэрчилгээтэй 28 газрыг чөлөөлж, унаган төрхийг сэргээх үүргийг Богдхан уулын Дархан цаазат газар хүлээсэн байна.

Албан ёсны тоон мэдээллээр Зайсангийн аманд одоогоор 2170 газар эзэмших гэрчилгээ олгосон байгаа аж. Эдгээрээс төлбөрөө хийгээгүй 28 газрыг энэ сарын 15-наас 90 хоногийн дотор газраа чөлөөлөх тушаал хүргүүлжээ.

Салбарын сайдын тушаалаар 90 хоногийн хугацаанд газраа чөлөөлөх үүрэгтэй аж ахуйн нэгж, хувь хүмүүсийн жагсаалтад Монгол Улсын хоёр дахь Ерөнхийлөгч Н.Багабандийн эзэмшлийн Богдхан уулын Залаатын аманд 0.4 га газар багтаж буйаж. Экс ерөнхийлөгч маань өөрийн эзэмшлийн газартаа үл хөдлөх хөрөнгө бариагүй, 2017, 2018 оны газрын төлбөрийг төлөөгүй гэсэн үндэслэлээр газраа чөлөөлөх жагсаалтанд орж буй юм.