МАНАЙ УЛСЫН ИХ ЭМЧ НАРЫН 60 ХУВИЙГ ЗАЛУУ ЭМЧ НАР ЭЗЭЛЖ БАЙНА

Өнөөдөр олон улсын эмч нарын өдөр тохиож байна. Энэ өдрийг тохиолдуулан Залуучуудын эрүүл мэндийн корпорациас "Алтан гарт эмч-Шилдэг залуу" шалгарууллаа.

Манай улсын их эмч нарын 29.7 хувийг 20-29 насны эмч нар, 30.2 хувийг 30-39 насны залуу эмч нар эзэлж байна.

Тиймээс хүн амын эрүүл мэндийг дэмжих, хамгаалах ариун үйлст эх орныхоо өнцөг булан бүрт эрдэм мэдлэг, хүч чадлаа харамгүй зориулан ажиллаж байгаа шилдэг залуу эмч нар урамшуулан шагнажээ.

"Алтан гарт эмч – Шилдэг 100 залуу" шалгаруулах ёслолын ажиллагааг хоёр дахь жилдээ зохион байгуулж байгаа бөгөөд цаашдаа ч эрүүл мэндийн салбарт тангараг өргөн, үнэнч шударгаар ажиллаж буй залуучууддаа урам өгөх үүднээс энэхүү ёслол хүндэтгэлийн үйл ажиллагааг жил бүр уламжлал болгон зохион байгуулах аж.