“ДҮНЖИНГАРАВ-2018” УРАЛДААНЫ ҮЕЭР ХҮҮХЭД ГЭМТСЭН АСУУДЛЫГ ШАЛГАЖ БАЙНА

Дорноговь аймгийн Баянтал суманд Монголын морин спорт уяачдын холбооноос 2018 оны гуравдугаар сарын 18-ны өдөр "Дүнжингарав-2018" бүсийн уралдааныг зохион байгуулсан. Тухайн уралдааны үеэр "Говьсүмбэр аймгийн нэгдсэн эмнэлэгт таван хүүхэд мориноос унасан байдалтай ирлээ" гэсэн мэдээллийг авч, цагдаагийн хэлтсийн Хэрэг бүртгэх тасагт Монгол Улсын Эрүүгийн хуулийн 11 дүгээр бүлгийн 11.5.1 дэх хэсэгт зааснаар хэрэг бүртгэлтийн хэрэг нээн шалгаж байгаа юм байна. Аймгийн цагдаагийн газраас Тэдгээр хүүхдийн гэмтлийн зэргийг тодорхойлох зорилгоор Шүүхийн шинжилгээний үндэсний хүрээлэн, Дундговь аймгийн Шүүхийн шинжилгээний албанд хандаж, дүгнэлт хараахан гараагүй байгаа юм байна.