ХЭНТИЙ АЙМАГТ ХӨДӨЛМӨРИЙН ҮЗЭСГЭЛЭН ЯАРМАГ БОЛЛОО

Хэнтий аймаг 2018 оныг "Гэр бүлийн хөгжлийг дэмжих жил" болгон зарлаж сар бүр тодорхой ажлуудыг төлөвлөгөөний дагуу хийж байгаа бөгөөд 3 дугаар сарыг "Гэр бүл ажлын байр" нэмэгдүүлэх сар болгосон юм.
Энэхүү ажлын хүрээнд өрхийн орлогын эх үүсвэрийг нэмэгдүүлэх, иргэдээ ажлын байранд зуучлах, сургалт, хөтөлбөрт хамруулах зорилгоор хөдөлмөрийн үзэсгэлэн яармагыг АЗДТГ, ХХҮГ, НДХ, МСҮТ, Ажил олгогч эздийн холбоо болон Худалдаа аж үйлдвэрийн танхим хамтран зохион байгуулаа.
Уг арга хэмжээнд ХХҮГ-аас 75 иргэнийг ажил хайгчаар бүртгэж, ажил мэргэжлийн чиг баримжаа олгох зөвлөгөөг 32 иргэнд үзүүлснээс гадна арга хэмжээнд урилгаар оролцсон 16 аж ахуй нэгж байгууллагад 47 иргэнийг ажилд зуучлан байнгын болон түр ажлын байраар хангалаа. Түүнчлэн 2018 онд хөдөлмөр эрхлэлтийг дэмжих чиглэлээр хэрэгжих 6 төсөл хөтөлбөрийн талаар иргэдэд мэдээлэл хийн, төсөлд хамрагдах хүсэлтэй 48 иргэнийг бүртгэжээ.
Мөн 125 иргэнд Нийгмийн халамжийн чиглэлээр мэдээлэл өгч, ӨАТТсудалгаанд хамрагдах хүсэлтэй26 иргэний өргөдлийг хүлээн авсан байна. Түүнчлэн тус арга хэмжээний үеэр хөдөлмөр эрхлэлтийг дэмжих төсөл хөтөлбөр, санхүүгийн дэмжлэгт хамрагдсан 10 иргэн, аж ахуй нэгжүүд үйлдвэрлэсэн бүтээгдэхүүнээрээ үзэсгэлэн худалдаа зохион байгуулж, иргэдэд хямд үнээр худалдан борлуулжээ.