ТРАМП ХУВИЙН ЭМЧЭЭ САЙДААР ТОМИЛОХООР БОЛЖЭЭ

АНУ-ын Ерөнхиийлөгч Дональд Трамп өөрийн хувийн эмч, анагаах ухааны доктор, адмирал Ронни Жексоныг Ахмад дайчдын асуудал эрхэлсэн сайдаараа томилохоор болсон талаар "Вести" уламжилжээ. Тус албыг өмнө нь Дэвид Шулькин хашиж байсныг "РИА Новости" сануулсан байна. Трамп твиттер хуудсаараа дамжуулан Шулькинд талархал илэрхийлсэн байна.

Ронни Жексон 50 настай. Тэрбээр Цагаан ордонд бага Бушийн үеэс эмчээр ажиллаж буй аж. Жексоныг сайдын албан тушаалд томилох асуудлыг эхлээд Сенат хэлэлцэх юм байна. Шулькинийг сольж байгаа шалтгааны талаар мэдээлээгүй ажээ. Түүнийг Европт ажлаа хийхийн оронд дэлгүүр хэсч 122 мянган ам.доллар зарцуулсан гэсэн шуугиан дэгдэж, улмаар энэ хэрэгтэй холбогдуулан худал мэдүүлсэн гэж үзэж байгаа аж.