19-21 НАСТАЙ ОХИД УТАС МӨНГИЙГ НЬ ДЭЭРЭМДЖЭЭ

Өнгөрсөн бямба гаригийн шөнө Сонгинохайрхан дүүргийн 12 дугаар хорооны нутаг дэвсгэрт тус дүүргийн тавдугаар хороонд оршин суух хаягтай, 20 настай, эмэгтэй М, Баянзүрх дүүргийн 17 дугаар хорооны иргэн 25 настай, эмэгтэй Г нар согтуурсан үедээ бусдыг зодож, гар утсууд болон бэлэн мөнгийг нь дээрэмджээ. Хохирогч нь Баянгол дүүргийн 10 дугаар хороонд оршин суух 33 настай, эрэгтэй А гэх иргэн байсан байна.

Мөн Сонгинохайрхан дүүргийн 19-р хороонд хичээлээ тараад гэр лүүгээ орохоор байрныхаа гадна явж байсан 15 настай охиныг тус хороонд оршин суух, 21 настай эмэгтэй С, 19 настай эмэгтэй С гэгч нар айлган сүрдүүлж, "Самсунг s5" маркийн гар утас, бэлэн мөнгийг нь дээрэмдээд зугтсан байна. Эдгээр хэргүүдийг цагдаагийн байгууллагаас шалгаж байна.