ОЙ НАЙМАН САРТАЙ ХҮҮГ ХҮЧИРХИЙЛСЭН ЗАЛУУГ БҮХ НАСААР НЬ ХОРИЖ МАГАДГҮЙ

Ой найман сартай хүүг хүчирхийлэлд өртсөн даруйд Замын-Үүд суманд эмнэлэгт хүргэж эмнэлэгийн анхан шатны тусламж үйлчилгээг үзүүлсэн бөгөөд 3-р сарын 13ны оройн 19.00цагийн үед Гэмтэл согог судлалын үндэсний төвд хэвтүүлж, 4 хоногийн турш эмчилгээ хийжээ. Хүүгийн биеийн байдал гайгүй, хагалгаа хийх шаардлагагүй гэсэн эмчийн дүгнэлт гарч 3-р сарын 16ны өдөр ар гэрийнхэнд нь шилжүүлсэн байна. А.Цэрэнсугарт эрүүгийн хуулийн 12.1 дүгээр зүйлийн 12.1.4-т заасны дагуу эрүүгийн хэрэг үүсгэн яллагдагчаар татжээ. Түүнд 12.1 дүгээр зүйлийн 12.1.4-т заалт буюу " Хүчирхийлэх гэмт хэргийг бага насны хүүхдийн эсрэг үйлдсэн бол 12-20 жил хүртэл, эсхүл бүх насаар нь хорих ял шийтгэнэ" гэх хуулийн заалттай юм байна.