ХЭНТИЙ АЙМГИЙН ШҮҮХИЙН ШИЙДВЭР ГҮЙЦЭТГЭХ ГАЗАР ИРГЭДЭД ҮЙЛЧИЛДЭГ “НЭГ ЦЭГИЙН ҮЙЛЧИЛГЭЭ”-НИЙ БАЙРТАЙ БОЛЛОО

Хэнтий аймгийн ШШГА-419 дүгээ рнээлттэй хорих ангийн иргэдэд үйлчлэх нэг цэгийн үйлчилгээний төв, оффисын барилга ашиглалтад орж нээлтээ хийлээ.

Энэхүү барилгыг барихад орон нутгийн төсвийн хөрөнгө оруулалтаар 50,0 сая төгрөгний дэмжлэг үзүүлсэн бөгөөд үлдэгдэл санхүүжилтийг ШШГЕГ болон өөрсдийн нөөц бололцоондоо тулгуурлан барьж байгуулжээ.

Нээлтэд Хэнтий аймгийн Засаг дарга Н.Ганбямба оролцож тус байгууллагын албан хэрэгцээнд зориулж жижиг тэрэг авахад нь дэмжлэг үзүүллээ. Мөн аймгийн иргэдийн Төлөөлөгчдийн Хурлын дэргэдэх аймагт Гэмт Хэргээс Урьдчилан Сэргийлэх Ажлыг Зохицуулах Салбар Зөвлөлийн 2018 оны ажлын төлөвлөгөөнд тусган хорих ангийн нэг цэгийн үйлчилгээний төвийг бүрэн камержуулах хөрөнгийн асуудлыг шийдвэрлэснээс гадна ажлын нөөтбүкийг гардуулан өгсөн юм.

Дашрамд сонирхуулахад энэ онд Хэнтий аймагт 60 гаруй тэрбум төгрөгний бүтээн байгуулалтын ажлууд хийгдэх юм. Үүнд Цагдаагийн газар, Татварын хэлтэс, Стандарт хэмжилзүйн хэлтэс, Хөдөлмөр халамжийн үйлчилгээний газрууд гэсэн төрийн байгууллагууд шинэ байртай болох төдийгүй аялал жуулчлалыг хөгжүүлэхээр Батноров суманд "Хүлэгбаатар Боорчи-Андлалын өргөө", Их Монгол улс Монголын эзэнт гүрэн" цогцолборын барилга зэрэг олон томоохон бүтээн байгуулалтын энэ онд эхэлнэ.