ДАРХАН-УУЛ АЙМАГ АШИГТ МАЛТМАЛЫН ХАЙГУУЛЫН ТУСГАЙ ЗӨВШӨӨРӨЛ ОЛГОХГҮЙ

Ашигт малтмал, газрын тосны газраас Дархан-Уул аймгийн Хонгор сумын Асгат уул, Мухарын гол, Хустай даваа, Төмөр толгой, Хустай даваа, Төмөр толгой, Сувагтай, Хуурай зэрэг 27 байршил, Шарын гол сумын Дархан хайрхан зэрэг 15 байршил, Дархан сумын Дархан Төмөрлөг зэрэг нийт 46 нэгж талбар бүхий 28688,48 га талбайд ашигт малтмалын хайгуулын тусгай зөвшөөрлийг сонгон шалгаруулалтаар олгох боломжтой хэмээн санал ирүүлсэн аж,

Уг асуудлыг сумдын ИТХ-ын Тэргүүлэгчдийн хурлаар хэлэлцэж, татгалзах санал ирүүлснийг аймгийн Хөрөнгө оруулалт, хөгжлийн бодлого төлөвлөлтийн хэлтсээс аймгийн ИТХ-ын Тэргүүлэгчдийн ээлжит хуралдаа танилцуулжээ. Мөн эдгээр газрын байршлыг Тэргүүлэгчид судлан үзэж, бэлчээрийн талбай, орон нутгийн тусгай хамгаалалтад авсан газар, газар тариалангийн талбай, Гол, мөрний урсац бүрэлдэх эх, усны сан бүхий газрын хамгаалалтын бүс, ойн сан бүхий газартай давхцалтай байна.