“НАРНЫ ХОРООЛОЛ”-ЫН ОРШИН СУУГЧИД “ХУРД” ГРУППИЙГ АМЛАЛТАА БИЕЛҮҮЛЭХИЙГ ШААРДАН ЖАГСЖЭЭ

"Нарны хороолол" хотхоны оршин суугчид өнөөдөр эсэргүүцлийн жагсаал хийлээ. Учир нь "Хурд" групп хамгийн анх орон сууцныхаа захиалгыг авахдаа "960 хүүхдийн багтаамжтай ерөнхий боловсролын сургууль, 500 хүүхдийн багтаамжтай цэцэрлэг барьж ашиглалтад оруулна" гэсэн амлалт өгч байжээ. Гэтэл өнөөдөр тус хороололд баригдсан сургууль, цэцэрлэгийн барилгыг улс хүлээж авахгүй байна. Тиймээс хувийн сургууль байгуулна гэсэн яриа гарсан болохоор оршин суугчид нь жагсаал хийсэн юм. Өнөөдрийн байдлаар "Нарны хороолол" хотхонд 4000 орчим айлд цэцэрлэгийн насны 834 хүүхэд, сургуулийн насны 1325 хүүхэд амьдардаг юм байна.