САРЫН ДУНДАЖ ЦАЛИН НЭГ САЯ ТӨГРӨГ БОЛЖ ӨСЧЭЭ

Үндэсний статистикийн хорооноос өнөөдөр энэ оны эхний хоёр сарын нийгэм, эдийн засгийн үзүүлэлтийг танилцууллаа. Танилцуулгад Монголчуудын сарын дундаж цалингийн мэдээллийг гаргасан байна.

Нийгмийн даатгалын ерөнхий газрын нийгмийн даатгалын шимтгэл төлөлтийн тайланд 2017 оны IV улиралд нийт 38.5 мянган аж ахуйн нэгж, байгууллага (ААНБ)-ын 613.9 мянган ажиллагчид хамрагджээ. Эдгээр ажиллагчдын:

• 46.7 (7.6%) мянга нь 240 000 төгрөг хүртэлх цалинтай,
• 34.3 (5.6%) мянга нь 240 001-300 000 төгрөгийн цалинтай,
• 85.7 (14.0%) мянга нь 300 001-500 000 төгрөгийн цалинтай,
• 216.4 (35.2%) мянга нь 500 001-900 000 төгрөгийн цалинтай,
• 121.9 (19.8%) мянга нь 900 001-1300000 төгрөгийн цалинтай,
• 28.2 (4.6%) мянга нь 1300 001-1500 000 төгрөгийн цалинтай,
• 80.6 (13.2%) мянга нь 1500 001 төгрөгөөс дээш цалинтай байна.

Ажиллагчдыг цалин хөлсний бүлгээр авч үзэхэд өмнөх улирлаас 700 001-900 000 төгрөгийн цалинтай ажиллагчид 6.1 мянгаар, 900 001-1100 000 төгрөгийн цалинтай ажиллагчид 13.4 мянгаар, 1.100.001-1.300.000 төгрөгийн цалинтай ажиллагчид 8.2 мянгаар, 1.300.001-1.500.000 төгрөгийн цалинтай ажиллагчид 2.8 мянгаар, 1500 001 төгрөг, түүнээс дээш цалинтай ажиллагчид 9.8 мянгаар нэмэгдсэн байна.

Харин 240 000 төгрөг хүртэлх цалинтай ажиллагчид 1.7 мянгаар, 240 001-300 000 төгрөгийн цалинтай ажиллагчид 0.6 мянгаар, 300 001-500 000 төгрөгийн цалинтай ажиллагчид 22.0 мянгаар, 500 001-700 000 төгрөгийн цалинтай ажиллагчид 8.3 мянгаар буурчээ.