МОНГОЛ ЭРЧҮҮДИЙН 48 ХУВЬ НЬ ТАРГАЛАЛТТАЙ БАЙНА

2016-2017 онд хийсэн судалгаагаар Монголын нийт эрчүүдийн 48 хувь нь таргалалттай гэсэн дүн гарчээ. Таргалалтад нөлөөлж буй гол хүчин зүйл нь буруу хооллолт, амин дэмийн дутагдал аж. Мөн тав хүртэлх насны хүүхдийн 26.6 хувь, эхчүүдийн 16.1 хувь, жирэмсэн эмэгтэйчүүдийн 21.4 хувь нь цус багадалттай, 6-59 сартай хүүхдийн 27.7 хувь, жирэмсэн эмэгтэйчүүдийн 29.6 хувь нь төмрийн дутагдалтай байгааг тогтоожээ. Хүүхэд, насанд хүрэгчдийн дунд Д аминдэмийн дутлын тархалт түгээмэл байгаа аж. Тухайлбал, 15-49 насы эрэгтэйчүүдийн 40.4 хувь нь Д аминдэмийн дутагдалтай, 41.9 хувь нь нөөц дутмаг байдалд буй юм байна.