АЛТНЫ НИНЖА НАР НЭГНИЙХЭЭ АМИЙГ ХӨНӨӨЖЭЭ

Ховд аймгийн Булган сумын нутаг дэвсгэрт өчигдөр хүн амины хэрэг гарчээ. Тодруулбал, тус сумын Байтаг багийн "Цагаантолгой" гэх газар хууль бусаар алт олборлож байсан иргэд нэгнийхээ аминд хүрсэн байна. Талийгаачийг Б гэдэг байсан бөгөөд 40 настай, эрэгтэй. Тэрээр биедээ таван удаа хутгалуулж амиа алдсан болох нь тогтоогджээ. Эх сурвалжийн мэдээлж буйгаар талийгаач Б өчигдөр 15.00 цагийн үед эмнэлэгт хүргэгдэх замдаа нас баржээ. Хууль, хяналтынхан эл хэрэгт эрүүгийн хэрэг үүсгэж, мөрдөн шалгах ажиллагааг эхлүүлсэн байна. Түүнчлэн өнгөрсөн шөнө Дархан-Уул аймагт оршин суух 30 настай, эрэгтэй Б эрүүндээ, 29 настай эрэгтэй Г мөн эрүүндээ, 37 настай, эрэгтэй Э гуяандаа хоёр, 37 настай, эрэгтэй О цээжиндээ хоёр удаа хутгалуулсан шархтай сумын эмнэлэгт хүргэгдэн иржээ. Энэхүү хэргийг аймгийн Цагдаагийн газар шалгаж байгаа аж.