С.АМАРСАЙХАН ДАРГА ӨӨРИЙГ НЬ ОГЦРУУЛАХ СУРГААР 2 ТЭРБУМ ТӨГРӨГ ТӨЛӨӨЛӨГЧДӨД ТАРААСАН УУ

Нийслэлийн иргэдийн төлөөлөгчид 2 дугаар сарын 27-ны өдөр хуралдаж хуралдааны үеэр НИТХ-ын дарга С.Амарсайханыг огцруулах асуудлыг АН-ын бүлэг өргөн барьсан билээ.

Сөрөг хүчний зүгээс гэр хорооллын дахин төлөвлөлтийн ажил бодит бус, тунхаглалын шинж чанартай болсон гэж үзэж хөтөлбөрийг хэрэгжүүлэхэд шаардлагатай санхүүжилтийн эх үүсвэр бүрэн тодорхойгүй, ахмадын орон сууцны асуудлыг хэрхэн шийдвэрлэх талаар тусгаагүй гэсэн шүүмжлэлийг гаргаж тавьсан юм. Мөн НИТХ ажлаа хийхгүй, хотод хийх ёстой олон ажил зогсонги байдалтай байгаа тул НИТХ-ын дарга С.Амарсайханыг огцруулах ёстой гэж НИТХ дахь АН-ын бүлэг үзээд, ийнхүү огцруулах бичиг өргөн барьсан билээ.

Үүнээс хэдхэн сарын өмнө МАН-ын бүлгийн зарим гишүүд жаран тэрбумын асуудлаар шалтаглан НИТХ-ын дарга Ц.Сандуйг огцруулах бичиг өргөн барьсан. Төрийн албыг 60 тэрбумаар үнэлж зарсан гэх асуудалд нэр нь холбогдсон Ц.Сандуй өөрийн хүсэлтээр огцрох өргөдлөө өгч түүнийг олонхийн хүсэлтээр чөлөөлсөн юм. Харин түүний оронд Д.Баярсайхан, С.Амарсайхан нарыг өрсөлдүүлж, С.Амарсайхан хоёр хүний саналын илүүгээр НИТХ-ын даргаар сонгогдож байсан. Харин дараа нь НИТХ-ын дарга тэргүүлэгчдээ хуралдуулж чадахгүй байна гэсэн шүүмжлэл ч гарч байв. Нийслэлийн 45 суудлын 34 нь МАН, 11 нь АН. Ардчилсан намын 11 хүн С.Амарсайханыг огцруулахад саналын тоо дутах ч, НИТХ дахь МАН-ын бүлэг хоёр хуваагдсан байгаа. МАН-ын бүлгийн гишүүд хэрэвзээ С.Амарсайхан муу ажиллаж байна гэсэн АН-ын дүгнэлттэй санал нэгдвэл С.Амарсайхан Ц.Сандуйн араас огцорч магадгүй байна.

Гэтэл сошиал орчинд С.Амарсайхан дарга өөрийг нь огцруулах сургаар 2 тэрбум төгрөг төлөөлөгчдөд тараасан байна гэх мэдээлэл цацагдаж эхэллээ.

Н.Тэгшээ@tegshnorov
За энэ Амарсайхан дарга өөрийг нь огцруулах сургаар төлөөлөгчиддөө 2 тэрбум төгрөгийн урамшуулал олгож дээ?! Баримт нотолгоо нь хүртэл байх. Төрийн мөнгө ёолж улсын мөнгө уйлахгүй юм дааа. МАН алалцаж дуусах болоогүй юу??!!@AmarsaikhanS @UKhurelsukh @batsumberel304 @MEnkhbold
Эх сурвалж amjilt.news